Görüş zamanı qonaqlar fakültədə yaradılmış tədris şəraiti, təhsil imkanları, eləcə də kadr hazırlığının həyata keçirildiyi ixtisaslarla tanış oldular. Onlara ali təhsil prosesinin təşkili, müasir tədris yanaşmaları və tələbələrin peşəkar inkişafı üçün yaradılan imkanlar barədə məlumat verildi.

Görüş çərçivəsində fakültənin buraxılış kurs tələbələri ilə də fikir mübadiləsi aparıldı. Müzakirələr zamanı əmək bazarının müasir tələblərinə uyğunlaşma, iş təcrübəsinin əhəmiyyəti, peşəkar bacarıqların inkişaf etdirilməsi və gələcək karyera perspektivləri kimi məsələlərə toxunuldu. Tələbələr öz təcrübələrini bölüşərək məktəblilərlə gələcək təhsil və peşə seçimi barədə müzakirələr apardılar.

Belə görüşlər məktəblilərin ali təhsil mühiti ilə yaxından tanış olmağına, ixtisas seçimi ilə bağlı düzgün qərar verməyinə və gələcək peşə fəaliyyətləri haqqında daha aydın təsəvvür formalaşdırmağa töhfə verəcək, məktəblə universitet arasında əməkdaşlığın möhkəmləndirilməsi və təhsil pillələri arasında əlaqələrin inkişafı baxımından mühüm əhəmiyyət daşıyacaqdır.