Fakültə haqqında
Xarici dillər fakültəsi haqqında məlumat
Gəncə Dövlət Universitetinin 8 fakültəsindən biri olan Xarici dillər fakültəsi 1998-ci ildə Tarix-filologiya fakültəsinin tərkibində Xarici dillər şöbəsi 44 tələbə ilə fəaliyyətə başlamışdır.Bunlardan 22nəfəri İngilis dili ixtisasında, 22 nəfəri isə Rus dili ixtisasında təhsil almışlar.1999-cu ildə şöbəyə Fransız dili ixtisası ilə fəaliyyətə əlavə olunmuşdur.Bu ixtisas 20 tələbə ilə fəaliyyətə başlamışdır.
2002-ci ildə şöbədə tələbələrin sayı 465 nəfər olduğuna görə yeni Xarici dillər fakültəsi yaradılmışdır.2005-ci ildə fakültədə Alman dili ixtisası açılmışdır.Bu ixtisas 15 tələbə ilə tədrisə başlamışdır.2011-ci ildə fakültənin ixtisaslarına Tərcümə ixtisası əlavə olundu.Birinci ili bu ixtisasa 15 tələbə daxil oldu.Beləliklə, hal-hazırda Xarici dillər fakültəsində 5 ixtisasda mütəxəssislər hazırlanır.
Hal-hazırda fakültədə beş ixtisas üzrə 616 tələbə təhsil alır.
Fakültənin strukturunda 6 kafedra göstərir.
- Leksika və ölkəşünaslıq- Kafedra müdiri dos. Sevda Kazımova
- Fransız dili-Kafedra müdiri f.f.d dos. (attestatsız) Məhərrəm Orucov
- Qrammatika və ingilis dilinin tədrisi-Kafedra müdiri f.f.d b/m Abdullayeva Elnarə
- Rus dili-Kafedra müdiri dos.Kəmalə Əhmədova
- Alman dili-Kafedra müdiri dos. Elvin Atakişiyev
- Praktik xarici dillər-Kafedra müdiri dos.Zahirə Əliyeva
Bu kafedralarda 16 nəfər fəlsəfə doktoru, 53 nəfər b/m, 14 nəfər müəllim cəmi 89 nəfər və 32 nəfər tədris-köməkçi heyyəti işləyir.
Hal-hazırda fakültənin müəllimlərindən 22 nəfəri doktoranturada təhsil alır.
Fakültənin dekanlığında dekan-dos.Əjdər Əsgərov, Tədris işləri üzrə dekan müavini baş müəllim Məleykə Aslanova, Humanitar məsələlər üzrə dekan müavini p.f.d. Babayeva Arzu , 1 mühəndis proqramçı-Reyhan Şəmsizadə, 1 operator- Pənahuda Sehran işləyir.
İctimai əsaslarla fakültədə Həmkarlar təşkilatının sədri dos. Əliyeva Sevda, Tələbə Həmkarlar Təşkilatının sədri Verdiyeva Aybəniz, Tələbə Gənclər Təşkilatının sədri Aslanova Bahar, TEC-nin sədri Verdiyeva Səma fəaliyyət göstərir.
Fakültədə 22 nəfərdən ibarət Elmi Şura fəaliyyət göstərir.Təlim prosesində metodiki nəzarət və kömək məqsədilə Tədris-Metodiki Şura fəaliyyət göstərir.