Müəllim:-Rus dili kafedrasının dosenti Sevinc Bağırova

Fənnin adı: Rus dilində Teləffüz vərdişləri.

Ixtisas: Xarici dil muellimliyi (rus dili)
Mövzu: Heca. Hecanın növləri
Qrup: II kurs

Bu dərs “Rus dilində heca. Hecanın növləri” mövzusuna həsr olunmuş və tələbələrdə düzgün tələffüz bacarığının formalaşdırılmasına yönəlmişdir. Dərsin əsas məqsədi tələbələrə rus sözlərini düzgün hecalara ayırmağı öyrətmək və bunun tələffüzə təsirini izah etməkdir. Tələbələr heca anlayışını mənimsəməklə vurğu, intonasiya və nitq axıcılığı sahəsində də irəliləyiş əldə edirlər. Dərs boyu səs tərkibi və heca quruluşu arasındakı əlaqə üzərində dayanılmış, tələffüzdəki səhvlərin səbəbləri təhlil olunmuşdur. Praktik çalışmalar vasitəsilə tələbələr fərqli heca tiplərindəki sözləri düzgün tələffüz etməyə çalışmışlar. Bu fəaliyyətlər onların fonetik eşitmə və artikulyasiya bacarıqlarını inkişaf etdirməyə xidmət edir. Dərsin sonunda tələbələr hecanın tələffüzdəki funksional rolunu dərk edərək, daha səlis və düzgün danışıq bacarığı nümayiş etdirmişlər.