Xarici dillər fakültəsi Qrammatika və ingilis dilinin tədrisi kafedrasının baş müəllimi Türkan Ağayeva Gəncə şəhər Mir Cəlal Paşayev adına 39 nömrəli tam orta məktəbdə ustad dərsi keçib.

    Dərsdə universitetin Təcrübə və karyera şöbəsinin müdiri Cabbar Qarayev, Qrammatika və ingilis dilinin tədrisi kafedrasının müdiri Elnarə Abdullayeva, kafedranın müəllimi Türkan Cəlilova, 39 nömrəli orta məktəbin direktoru Nizami Rzayev, müəllimlər və yuxarı sinif şagirdləri iştirak ediblər.

    Məruzəçi Türkan Ağayev çıxışında mövzu ilə əlaqədar geniş məlumat verib, İngilis dilində yazı bacarıqlarının formalaşdırılması, qrammatika və lüğətin effektiv öyrənilmə üsulları barədə dərs keçib, şagirdlərin suallarını cavablandırıb.